كأس العالم ٢٠١٨: موسكو

كأس العالم ٢٠١٨: موسكو

كأس العالم ٢٠١٨: موسكو

من المطار لمركز المدينة

موسكو فيها 3 مطارات دولية، هما:

  • Domodedovo International Airport
  • Sheremetyevo International Airport
  • Vnukovo International Airport.

 المطارات هناك بيكون فيها واي فاي ببلاش فهتقدر تطلب أوبر بسهولة. ورحلة اي عربية أوبر من أي مطار منهم هيكلفك 850 روبل، ده سعر ثابت.

التاكسي هناك هيكلفك أكتر، وهتضطر تساومه وتفاصل معاه، فرأي لو هتاخد عربية من المطار خليك في أوبر أحسن من كل النواحي.

اما لو هتاخد القطر!.. خد الايرو اكسبريس، هيوصلك لوسط المدينة في حوالي 45 دقيقة وتكلفته 420 روبل، لو اشترتها من الموقع الالكتروني. أما لو هتجيبها من محطة القطر، تكلفتها هتكون 470 روبل.

 في حالة بقى انك ناوي على الاقتصاد من البداية، فممكن تاخد اتوبيس من المطار لحد محطة المترو، وانا بصراحة مش برشحه لأنك ممكن تفضل في الزحمة لفترات طويلة، وتكلفة الاتوبيس 100 روبل.

ازاي تروح للاستاد من وسط المدينة؟

هيكوفي استادين خلال كاس العالم:

  1. Lujniki

وده ممكن توصله من خلال الخط الأحمر في محطة سبورتيفنايا، حوالي 30 دقيقة من مركز المدينة

  1. Spartak

ده ممكن توصله من خلال الخط البنفسجي في محطة سبارتاك، حوالي 30 دقيقة من مركز المدينة.

الجو في موسكو في شهر يونيو:

الجو في موسكو بيكون بين 15 و 28 درجة مئوية. فممكن فجأة تكون برد فهتحتاج لجاكيت معاك. وممكن  برضة تلاقي الجو دافي وجميل.

تنزل فين بأسعار مناسبة!:

  • Dream Place Hostel

 ده هوستيل اسمه دريم بلاس، 10 دقايق من اقرب محطة مترو ليه.

  • Hostel Kremlin lights:

وده هوستيل موجود في مركز المدينة.

الانتقالات::

 المترو في روسيا عظيم، ومترو في روسيا يعني وسيلة انتقال بجد. التذكرة الواحدة تمنها 55 روبل.. ومن ضمن اللي قريته عن المترو انك ممكن تعمل اشتراك) ترويكا كارد(  واللي ممكن يستخدمة أكتر من شخص، وبكدة مش هتقف في طوابير والرحلة الواحدة هتكلفك حوالي 32 روبل.

كمان المترو في موسكو واجهة عظيمة وهنتكلم عن الجزء ده كمان شوية.

 طبعا في اختيارات تانية غير المترو، زي التاكسي، وأرخص  من التاكسي  اطلب أوبر،  او  استخدم ابليكيشز يانديكس  او  جيت تاكسي.

مناطق تواجد المشجعين:

مناطق تواجد المشجعين في موسكو هيكون في ذا سباروو هيل اريا، قريب من  استاد Luzhniki

الحياة بالليل في موسكو:

موسكو معروفه عالميا بالحياة فيها باليل. فيها نوادي ليلية كتير،  وبعد بحث كنير قدرت اجيبلكم اسماء اماكن لازم تزوروها عشان الروس يشوفوا المصريين بيحتفلوا ازاي..

  • Icon Club

ده بيفتح ايام الجمعة والسبت بس، واحد من أغلى النوادي الليلية هناك وعلطول محجوز، فلو رايح موسكو ميزانيتك كويسة، زوره وهتتبسطوا.

  • Gypsy

وده اكتر للشباب، وبيفتح بس في الويك اندز

  • Jagger Hall

وده بقترحه للمسافرين الاقتصاديين، لأنه أرخص كتير من الاتنين التانين

Budget

 الميزانية

وجبه في مطعم اقتصادي تكلفتها حوالي 600 روبل

زجاجة مياة تكلفتها 50 روبل

وجبة سريعه تكلفتها حوالي 300 روبل

تذكرة  المترو ب 55 روبل

والقهوة حوالي 200 روبل

حاجات ماينفعش تفوتها: 

  1. Red square

علامة من علامات موسكو، وأكيد شوفته في التليفزيون قبل كدة. اسمه Krasnya Ploshad. وماتفوتش عرض تغيير الحراس كل ساعة قريب من الميدان في Eternal Flame.

  1. The Kremlin

وده مبنى ضخم في قلب المدينة، ومقر رسمي للرئيس. ومكانة جنب ال Red Square بالظبط.

  1. Saint Basil’s Cathedral

واحدة من المناظر الملونة والمبهجة في المكان. وتقول الأسطورة ان المهندس اللي بناه تم اعدامه عشان مايبنيش حاجه زيه وفي جماله تاني.

  1. Zaryadye Park

دي حديقة لسه مفتوحة جديد، في مكان تقدر منه تشوف ال Kremlin من الجسر العائم

  1. The Bolshoi Theater

دهرمن الأماكن االي لازم تزورها لو مهتم بالبالية، لأنك ساعتها تبقى عارف ان الروسيين عمالقة في فن البالية، وان معظم ال Etoile أصلا من روسيا.

  1. metro tour

ودي حاجه مش رسمية اوي، بس المترو في روسيا عبارة عن متحف لازم تزور كل محطاته عشان تعرف التاريخ اللي وراها..  ومترو موسكو يستاهل الجولة دي.

  1. Moscow river cruise during sunset.. is beautiful.

مفيش شك ان الغروب في اي مكان بيكون رائع، بس في مركب في نهر موسكو هتبقي تجربة جديدة هتستمتع بيها جدا، خصوصا وانت بتتفرج عاى مناظر كتير تخبل.

  1. Kolomenskoye Estate

مكان هتعرف فيه ازاي روسيا فضلت روسيا كل الفترات الطويلةاللي فاتت دي.

  1. Sparrow’s Hill

واحد من اكبر المرتفعات في موسكو.

10- Museum of Soviet Arcade Machines

الأكل:

أكلات لازم تجربها وانت في روسيا:

  1. Pelmeni

اكله زي السامبوسك، وجواها لحمه

  1. Blini (Блины)

نوع من أنواع الكريب، ممكن نسمية البان كيك الروسي، وده ممكن تاكله كتحلية او كوجبة رئيسية.

  1. Pirogi (Пироги)

دي فطيرة بيتحط جواها أي حاجه، زي السامبوسك

  1.  Golubtsy (Голубцы)

وده عبارة عن اوراق كرنب ملفوفة مع لحمة مفرومة.

  1. Salad Olivier or Russian Salad (Оливье)

سلطة بطاطس مع مايونيز كتيرر

  1. Plov (Плов)

دي بقى أكلة اوزبكية، وهي عبارة عن رز مع أي حاجه.

  1. Solyanka (Солянка)

شوربة حامضة وسبايسي

  1. Borsch (Борщ)

شوربة شمندر يقال ان أصلها جاي من اوكرانيا

  1. Beef Stroganoff (Бефстроганов)

آخر حاجه بقى التبس/ بقشيش

لازم تدي بقشيش في المطاعم هناك، والمتوسط بيكون 10% من قيمة الفاتورة.

 

Follow:

Leave a Reply

This site uses Akismet to reduce spam. Learn how your comment data is processed.