كاس العلم 2018: يكاترينبورغ Ekaterinburg

كاس العلم 2018: يكاترينبورغ Ekaterinburg

Ekaterinburg في كاس العالم

www.trannetastravels.com

www.instagram.com/trannetastravels

www.facebook.com/trannetastravels

يكاترينبورغ … هي رابع أكبر مدينة من حيث المساحة في روسيا. بلد نابضة بالحياة جدا. ورغم إنها موجودة في قارة آسيا، هتحس أكتر انك في أوروبا، وهي في الحقيقة  جامعة ما بين القارتين.

فـ وجودك في المدينة هيبقى فرصه عظيمة لزيارة الحدود بين اوروبا واسيا اللي محاطة بجبال الأورال، واللي بتعتبر حدود طبيعيه بين القارتين. وواحد من الحدود الموجودة برضه واللي معموله مخصوص عشان السياح يزوروها هتلاقوها موجودة على بعد 17 كم من المدينة، وبيسموها حدود مزيفه. لو عاوز تزور واحد بجد، هتلاقيه على بعد 50 كم متر بس. وممكن يبقى عندك الفرصة كمان تقف برجل في قارة أوروبا ورجل تانية في قارة أسيا، انا عن نفسي عاوزة أعمل كده، فلو عملت كده انت الأول ياريت تشاركنا بالصور.

 

مدينة يكاترينبورغ معروفة بإنها مدينة تاريخية، فيها أكتر من 60 معلم تاريخي، فهتحس فيها انك في روسيا الحقيقية، بعيد عن العاصمتين موسكو وسانت بيترسبرج.

Prospekt Lenina هو الطريق الرئيسي في المدينة، هتلاقي حبة علامات في الطريق ده

بروسبكتلينينا

ازاي تتنقل من المطار لوسط المدينة؟

المطار موجود على بعد 17 كم من المدينة. كولتسوفو اكسبرس هتاخدك لمركز المدينة بحوالي من 22 لـ 50 روبل في حوالي 40 دقيقية. أو انت ممكن تاخد تاكسي بمبلغ 500 روبل “سعر ثابت”

 

تقعد فين؟: في كاس العالم

أسعار الفنادق

  • London Mini Hotel

ده مكانه في وسط المدينة، يعني مكان ممتاز. بيوفر واي فاي ومكتب استقبال 24 ساعة. تكلفة الأوضة حوالي 15 دولار في الليلة الواحده في الأيام العادية، لكن اعتقد عشان كاس العالم هي أكيد هتكون بأكتر، 50 دولار مثلا أو أزيد.

  • Hostel Champion

وفي هوستيل تشامبيون، وده مكانه قريب جدا من الاستاد، يعني هيبقى موقع ممتاز لو انت رايح بس عشان تتفرج على الماتشات. هو كمان الموقع المثالي لكل اللي بيحبوا كرة القدم عشان هو كل فكرته بتدور حوالين كرة القدم.

  • AVS Hotel

الفندق ده هيكلفك حوالي 50 دولار وقت كاس العالم، هو في الحقيقة هوستيل وهيبقى كويس أوي ليك كإقامة

  • Sky Hostel

الفندق ده برشحهولك من بلوجر تاني

  • وطبعا تقدر ديما تتواصل معايا في اختيارات الفنادق في الوقت اللي يناسبك

الانتقالات: في كاس العالم

ممكن بسهولة تكتشف مدينة Ekaterinburg على رجليك، المدينة مليانه بفن الشارع.

كمان فيها خط مترو واحد شغال من شمال لجنوب المدينة.

وفيها كمان أتوبيسات، ترام، و Marshrutkas “اللي هو ميكروباص”

الميزانية:

كـ فكرة عامة:

تذكرة المترو الواحدة بتكلف 14 روبل

البيج ماك في روسيا بيكلف 150 روبل

متوسط أسعار الغدا في مطاعم بستايل الأوبن بوفيه هيكلفك حوالي 500 روبل

المطاعم:

  • Vilka-Lozhka

في سلسلة مطاعم أكل شعبي مشهورة في روسيا اسمها فيلكا لوزكا، لازم تجربها. الغدا المفروض تكلفته حوالي من 150 لـ 250 روبل، بيعتمد عليك في الأخر

  • Nigora:

مطعم مأكولات شرق أوسطية متنوعة، هيكون عظيم في الأعداد الكبيرة

  • SvoyaKompania

سوفياكومبانيا:

مطبخ أوروبي، والناس بتشكر فيه جدا

  • Pelmennaya Dyuzhina:

وده مطبخ روسي، وبيقولوا انه مطعم روسي بجد، حتى السكان المحليين نفسهم بيعتبروه مطعمهم المفضل، عشان كده بقولكم لازم تجربوه.

  • وطبعا هتلاقي ماكدونالد، أكل رخيص ومناسب ومتوفر في كل حته في العالم.

 

الحياة باليل:

  • Coyote Uglyis:

اتقال عنه انه “أشهر بار”. وبيفتح كل يوم طول الاسبوع لحد 6 الصبح، وكل يوم بيكون ليه طابع مختلف.

  • Chili Club:

ده مكان تاني بيفتح طول الأسبوع، وتقدر كمان تتغدى فيه قبلها لو حبيت المكان

  • Art Club Podval:

وده بقى واحد من النوادي الليلة اللي استدج الرقص فيها بيكون ديما زحمة. والمكان مميز لأنة في الدور اللي تحت مطعم كي إي إف، فتقدر تتعشى الأول في المطعم قبل ما تنزل النادي.

  • Ben Hall:

وده أخر مكان هقولكم عليه بس أكيد مش الأخير في روسيا. بن هول ده بار انجليزي موجود في المدينة، عندهم  مجموعة كبيرة من البيرة لمحبيها   

Follow:

Leave a Reply

This site uses Akismet to reduce spam. Learn how your comment data is processed.